JP福岡天神迎來新地標！ONE FUKUOKA BLDG. 今年年中正式開幕，集「買、食、住、玩」於一身，仲有大量九州首次登場品牌：CHANEL 超大型旗艦店、and wander、Salomon、Snow Peak、Itoya 等等，行極都行唔完！片中仲帶大家一嚐場內福岡人氣 No.1 牛腸鍋 — 博多大山，超強湯底＋和牛小腸，一試上癮。想知道有咩必行、必食？一條片帶你行晒！

今集帶大家行入福岡最新嘅沉浸式夜遊景點—大濠公園「宙 SORA」！ 日本首個夜遊日式庭園光影展，八大互動裝置加埋夢幻月亮光球，行到邊光影會跟住你流動，好似走入一個會 “呼吸” 嘅異世界。行完心靈被洗滌，就直落我哋近來最愛嘅居酒屋「カタナ食堂」，食舞茸天婦羅、半生炸竹莢魚、炭火燒尤魚同滑到融化嘅鐵板山藥。光影＋美食，完美福岡夜遊組合！

一探大阪中津一間超神秘嘅「自選食材即場加工」超市！自己揀材料、交比廚師自由發揮，完全係半個平價 Omakase 體驗～ 由白茄子、玉子燒、雞心雞腎、和牛炒麵到燒蠔，每樣都係驚喜，尤其神級玉子燒同超意外好味嘅吉列豬扒！今條片帶你睇晒成個晚餐流程，想喺大阪搵特別體驗嘅你一定要睇。

『學日文一定要背生字、做文法練習？』不一定啦！其實最自然、最快捷嘅方法，就係由「聽」開始！呢條片我會同大家分享點解人類學語言，係靠聽得多先識開口，仲會講下語言學校同自學嘅分別，邊啲人適合上課，邊啲人靠睇動漫/新聞都可以成功學到日文！今集帶你顛覆舊有學習方式！

200円入場費卻出奇地好玩! 今次帶大家走入東京墨田區東武博物館，近距離直擊蒸汽火車頭啟動、模擬駕駛火車同巴士、超震撼伏喺路軌傍邊睇火車經過，仲有走入站長室研究售票機內部！高度互動又抵玩的交通博物館，真係鐵道迷天堂～一齊嚟發掘呢個市區隱藏版驚喜景點！

原來喺日本，交稅、買股票、用會員卡都可以變成生活小確幸！呢條片會同你分享三個超實用玩法：故鄉納稅可以拎返靚禮物又減稅、買股票做股東拎株主優待，享盡食住玩送大禮優惠！會員買野儲積分，竟然可以換到日本股票~!!! 日本人日常都係咁玩，意想不到嘅驚喜同優惠，我地在地發掘，一齊睇吓點樣享受生活、令財富變相增值！